Сончево и топло време со мала до умерена локална облачност ќе преовладува во текот на денешниот ден низ земјава. Ќе дува слаб до умерен ветер од променлив правец.
Минималната температура ќе биде во интервал од 8 до 19, а максималната ќе достигне од 30 до 35 степени Целзиусови.
Во Скопје ќе биде сончево и топло со мала облачност и слаб до умерен ветер од променлив правец. Утринската температура ќе се спушти до 14, а дневната ќе се искачи до 34 степени.
Според најавите од Управата за хидрометеоролошки работи (УХМР), сончево и топло со мала локална облачност ќе биде и утре. Од среда следува период на нестабилно време проследено со пороен дожд, засилен ветер и грмежи.