Македонските граѓани во 2026 година ќе имаат можност за седум продолжени викенди. Од вкупно 11 неработни денови предвидени за сите, дури седум се поврзуваат со викендот бидејќи паѓаат во петок или понеделник, или пак се префрлаат согласно законот.
Првиот ваков викенд доаѓа на 20 март (петок) за Рамазан Бајрам. Веднаш потоа следи Велигден, каде неработен за сите е 13 април (понеделник), додека за православните верници неработен е и Велики Петок на 10 април.
Мај носи две поврзани паузи: 1 мај (петок) – Денот на трудот и 24 мај – Денот на сесловенските просветители, кој бидејќи е во недела, се префрла во понеделник на 25 мај. Август исто така нуди одмор, со оглед на тоа што 2 август е во недела, па неработен ќе биде 3 август (понеделник).
Есенскиот период е богат со празнични денови. Денот на народното востание, 11 октомври, паѓа во недела, па неработен ќе биде 12 октомври (понеделник). Кратко потоа, на 23 октомври (петок), се празнува Денот на македонската револуционерна борба.
Верниците од православна вероисповед ќе уживаат во дополнителни три продолжени викенди: за Богојавление (Водици) на 19 јануари (понеделник), Духовден на 29 мај (петок) и Голема Богородица на 28 август (петок).
Останатите неработни денови за сите граѓани се Нова Година (1 јануари), Божик (7 јануари), Денот на независноста (8 септември) и Свети Климент Охридски (8 декември).