Претстојниот викенд и почетокот на следната недела ќе поминат во знакот на претежно сончево и потопло време, проследено со умерена облачност во текот на денот. Сепак, граѓаните треба да бидат подготвени за промена од вторник, кога според прогнозата на УХМР, следува период на променливо облачно и нестабилно време, проследено со повремен дожд и грмежи.
За утре се најавува променливо облачно време со сончеви периоди. Во источните делови постојат услови за слаб локален дожд, додека во текот на денот ќе дува умерен, а повремено и засилен ветер од северен правец.
Во Скопје времето ќе биде променливо облачно со сончеви периоди, со умерен ветер од северен правец. Температурните вредности ќе се движат од минимални -2 степена во Берово, до максимални 23 степени во Гевгелија.
Од вторник, покрај појавата на дожд и грмежи, се очекува и постепено опаѓање на дневните температури.