Денес нè очекува пријатно пролетно време, идеално за активности на отворено, пред најавената промена во текот на новата седмица.
Времето ќе биде сончево и релативно топло со мала до умерена локална облачност. Ќе дува слаб до умерен ветер од северен правец. Утринските температури ќе се движат во интервал од 3 до 9 степени, додека максималните дневни ќе достигнат до 24 степени.
Во главниот град се очекува претежно сончево и топло време, придружено со слаб северен ветер. Живата во термометрите во текот на денот ќе се искачи до пријатни 23 степени, со утрински минимум од 7 степени.
Од почетокот на новата седмица, метеоролошката слика значително ќе се промени. Ќе преовладува променливо облачно време со локални врнежи од дожд во периодот од понеделник до среда. Местимично врнежите ќе бидат пообилни, а во вторник се очекуваат услови за изолирана нестабилност, проследена со краткотраен пороен дожд, грмежи и засилен ветер. Се очекува и постепено опаѓање на дневните температури.