Инвестицијата од 500 милиони евра во ветерници заврши во вестите на странски медиуми

Најновата германска инвестиција во ветерна електрана, тешка рекордни 500 милиони евра заврши во светските медиуми. Ветерниците на германската компанија WPD ќе произведуваат 400 мегавати струја, а нивната моќност се споредува со годишната работа од двата блока на РЕК Битола.

-Владата на Северна Македонија планира да обезбеди околу 1.500 мегавати од соларни електрани и околу 700 мегавати енергија од ветер. WPD работи во 28 земји низ целиот свет, пишува во објавата на Асошиејтед прес.

-Премиерот Зоран Заев рече дека планираниот проект од 415 мегавати е најголемата германска инвестиција во земјата и најголемата во областа на зелената енергија откако Северна Македонија прогласи независност од поранешна Југославија во 1991 година, пренесува американскиот ABC News.

За инвестицијата пишува и грчкиот весник Екатимерини, додека пак новинската агенција Ројтерс дополнува дека ветерниот парк, кој ќе има 69 турбини, ќе се гради во три фази на три локации и ќе снабдува со електрична енергија околу 290.000 домаќинства.

На вчерашната презентација на инвестицијата во обновливи извори на енергија, премиерот Зоран Заев кажа дека таа е придобивка од Законот за стратешки инвестиции.

-Големите инвеститори ги препознаваат економските можности, безбедноста и стабилноста на земјата и носат храбри одлуки за инвестирање во Северна Македонија, истакна Заев.

13.10.2021 - 13:09

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега