Инфектологот Фаучи кажа кога светот ќе се врати во нормала
Светот ќе се врати во нормала до крајот на следната година, тврди инфектолог Ентони Фаучи, директор на Американскиот национален институт за алергии и болести.
Тој изјави денеска дека враќање на нормалниот живот може да се очекува кон крајот на 2021 година.
Фаучи кажа дека дотогаш е неопходно стриктно почитување на пропишаните мерки како што се заштитна маска, физичка дистанца, избегнување собири и повеќе престојување на отворено.
– Доволно е да се вакцинираат 75 отсто од светската популација за да се запре ширењето на вирусот, потенцираше Фаучи.
Вели до крајот на оваа година е можно да се очекува ефикасна вакцина.
Мнозинството од светската популација може да се вакцинира во текот на следната година, но не и целата популација, како што е случајот со вакцината за сипаници.
Во светот сега има 32 милиони заразени со коронавирусот.
САД, Индија и Бразил имаат најмногу инфицирани.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
