Македонскиот пејач и автор, Владо Јаневски, кој почина на 66-годишна возраст по кратко боледување, ќе биде погребан во среда, на 1. Јули, на Градските Гробипта во Бител.
Ова го соопштија од Авалон продукција на социјалната мрежа Инстаграм.
-Добивме информација од семејството на Владо Јаневски и презедовме обврска истата да ја споделиме со пошироката јавност.
Сите кои ќе сакаат да се збогуваат со Владо за последен пат, ќе можат тоа да го направат во капелата на Градските гробишта во Бутел во среда (1 јули) во периодот од 10 до 11 часот.
Погребот ќе следи веднаш потоа, на гробиштата во Бутел.
Има нешто посилно од сѐ.
Авалон Продукција, напишаа тие на Инстаграм.
Македонската музичка сцена изгуби едно од своите најголеми и најпрепознатливи имиња. По кратко боледување, на 66-годишна возраст почина познатиот музичар и пејач кој себе остави богата музичка кариера со безброј хитови кои ја одбележаа македонската поп-музика во изминатите неколку децении.
Тој важеше за еден од најдобрите кантавтори и вокалисти на овие простори, чии рефрени се пеат од многу генерации.
Цела естрада се простува од големата музичка легенда. Меѓу имињата кои напишаа емотивни пораки за последно збогум се Калиопи, Игор Џамбазов, Елена Ристеска, Тамара Тодевска, Тијана Дапчевиќ, Каролина Гочева, Слаткар, Влатко Лозановски, Дарио, Ребека…и многу други.