Вчера на гробиштата во Ѓорче Петров во Скопје, постапувајќи по претходна пријава, од страна на полициски службеници од ОКР Ѓорче Петров легитимиран е Б.П., кој извршувал верски активности.
Се преземаат мерки за расчистување на случајот.
Инцидентот предизвика внимание и на социјалните мрежи, каде што граѓани коментираат за невообичаената ситуација. Според пријавата, полицијата интервенирала откако добила информација дека лицето кое врши верски обреди најверојатно не е вистински свештеник, туку се претставува како таков за да извлече финансиска корист од граѓаните.
КОМЕНТАР НА ГРАЃАНИН: „Замислете мои волковчани и ѓорчепетровци, вчера задушница идеш како човек на гробишта во Ѓорче да ги посетиш починатите да им оддадеш почит и бараш ПОП и кога доаѓај го наоѓаш и го викаш да го испее гробот и кога оппп од нигде никаде искачаат 4/5 полицајци АЛФИ да го апсат Попот зошто уствари не бил поп него некој Поп од Тема и си нарачал мантија и кандило и си вика сега сега му е мајката на жалоста на луѓето пари да правам го апсат го носат во полициска станица и гробот остана не испеан. Е моја чудесна Македонија.“
