Трагичен настан ја потресе белградската општина Врачар, откако во стан на улицата „Младе Босне“ беше пронајдено тело во фаза на распаѓање. Како што неофицијално дознаваат српските медиуми, интервенцијата уследила по неколкудневни поплаки од станарите за неподнослива миризба што се ширела низ зградата.
Загрижените соседи, откако сфатиле дека нешто не е во ред, решиле сами да ја скршат вратата од станот. По влегувањето во објектот, тие наишле на морничава глетка и веднаш ја повикале полицијата.
Во моментов на терен се врши увид, а идентитетот на починатото лице сè уште не е утврден. Полицијата треба да ги разјасни причините за смртта и колку долго телото се наоѓало во станот пред да биде откриено.