Петгодишно дете избодено со молив во глава во училиште во Австралија.
Мајката на повреденото девојче, Елиза, изрази загриженост поради недостатокот на информации за инцидентот
Ученичката одговорна за нападот е испратена дома додека не се завршат процедурите
Девојчето (5) наводно било избодено неколку пати во главата со молив во основното училиште „Св. Филомена“. Инцидентот се случил на 17 септември во австралиската држава Нов Јужен Велс.
Елиза, мајката на повреденото девојче, изјавила дека нејзината ќерка крварила и дека била лекувана на местото на настанот. Сепак, според мајката, училишниот персонал не сака да ѝ ги каже деталите за инцидентот, пишува „Дејли меил“.
- Немам информации за нападот во училиштето, знам само што ми кажа ќерка ми – рече Елиза.
Училиштето само изјави дека се запознаени со несреќниот инцидент и дека девојката што ја избоде својата пријателка е испратена дома додека не се завршат соодветните процедури, објавува „Дејли меил“.