Мајка од Тексас е уапсена под сомнение дека рано наутро во вторникот ги избодела својот сопруг и нивните две мали деца на возраст од три години и десет месеци во нивниот семеен дом во градот Нортлејк.
37-годишната Холи Лиан Флорес била приведена откако нејзиниот сопруг се јавил на итниот број 911 околу 4:20 часот наутро за да пријави дека сопругата го избодела во главата.
При пристигнувањето на местото на настанот, полициските службеници затекнале тригодишно девојче и десетмесечно момче со убодни рани во пределот на градите, по што децата биле итно пренесени во болница.
Полицијата соопшти дека за време на инцидентот Флорес претрпела мала посекотина на градите, па по укажаната медицинска помош била префрлена во затворот во округот Дентон.
Возрасна жена, идентификувана како Холи Лиан Флорес, 37, беше лекувана и пуштена од болница, по што беше приведена и префрлена во затворот во округот Дентон. Нашите детективи сè уште го истражуваат инцидентот, а прелиминарните обвиненија се следниве: две точки за обид за тешко убиство и едно точки за тешко напад со смртоносно оружје – рече началникот на полицијата во Нортлејк, Роберт Крофорд.
Крофорд потврди дека сопругот и двете деца се наоѓаат во болница и се очекува да ги преживеат повредите.
Според податоците од итниот повик, сопругот се обидувал да стигне до децата во другата соба додека Флорес се обидувала да го избоде. Повредените деца биле пронајдени при безбедносната проверка на куќата.
Полицискиот началник откри дека надлежните служби од март досега интервенирале околу пет пати на адресата на семејството, главно поради проверки на нивната благосостојба.
Не би сакал да кажам ништо надвор од контекст во овој момент, така што тие информации веројатно ќе бидат објавени подоцна – одговори Крофорд на baranjeто за дополнителни детали.
Многу е вознемирувачки да мора да се интервенира во таков трауматски настан – додаде тој.