Познатата активистка Грета Тунберг вчера беше лишена од слобода во центарот на Лондон за време на протест организиран од групата „Палестинска акција“. Британските власти потврдија дека 22-годишната активистка е приведена поради сомнеж за прекршување на строгите законски регулативи.
Лондонската полиција соопшти дека интервенцијата била насочена против истакнување симболи на забранети групации.
„Лондонската полиција соопшти дека 22-годишната Тунберг е приведена поради истакнување транспарент во поддршка на забранета организација, што е спротивно на член 13 од Законот за тероризам од 2000 година“, пренесуваат светските агенции.
Инцидентот ескалирал пред канцелариите на осигурителната компанија „Аспен“, откако активисти ја испрскале фасадата со црвена боја, симболизирајќи го конфликтот во Газа. Според извештаите, Тунберг давала поддршка на штрајкувачите со глад од палестинската организација пред полицијата да ја одведе во притвор.