По неодамнешниот разорен пожар во областа Виотија, кој беше предизвикан од искри од ветерници, надлежните органи во Грција започнуваат опсежна акција. Обвинителката надлежна за Дирекцијата за справување со кривични дела поврзани со подметнување пожари (ДАЕЕ) нареди спроведување прелиминарна истрага на национално ниво.
Целта на истрагата е да се утврди дали на територијата на земјата постојат и функционираат ветерни електрани без потребните дозволи, како и дали се почитуваат пропишаните технички услови за нивна инсталација, одржување и работа.
Истрагата е поттикната од пожарот што избувна пред десет дена во централна Грција. Утврдено е дека огнената стихија започнала откако во приватна мрежа за пренос на електрична енергија од ветерници до главната електроенергетска мрежа дошло до осцилација на проводниците. Ова создало искри кои паднале на земја и го предизвикале пожарот, кој брзо се проширил во соседната област Атика, зафаќајќи голема површина. Во текот на акцијата за гаснење, за жал, животот го загубија две лица при судар на хеликоптери.
Посебен дел од истрагата ќе биде насочен кон ветерните паркови кои во минатото веднаш привлекоа интерес на надлежните органи поради слични случаи на избувнување пожари.
За собирање на доказниот материјал ќе бидат побарани податоци од релевантните служби, а каде што ќе биде потребно, ќе се спроведат вештачења и други истражни дејствија за да се утврди евентуална кривична одговорност.