Градоначалникот на Град Скопје, Орце Ѓорѓиевски, објави дека на денешната седница на Советот е донесена важна одлука за воведување поодговорно и порационално јавно управување преку намалување на надоместоците и редуцирање на бројот на членовите во управните и надзорните одбори на градските претпријатија.
Според Ѓорѓиевски, оваа промена е исправка на неправилностите кои создавале непродуктивни трошоци со години.
Во минатото, се исплаќале месечни надоместоци дури и во услови кога седници воопшто немало, рече Ѓорѓиевски.
„Тоа создаваше непродуктивни трошоци кои граѓаните ги плаќаа.
Со новата одлука, надоместок ќе се исплаќа само тогаш кога навистина ќе се одржи седница.
Исто така, ги намалуваме и износите, па наместо 12.000 денари за претседател и 10.000 денари за член, новите лимити изнесуваат 10.000 и 8.000 денари.
Паралелно, го редуцираме и бројот на членови во управните одбори.
Таму каде што некогаш имало и по 14 членови, бројката се ограничува на седум“, истакна Ѓорѓиевски.
Ѓорѓиевски нагласи дека ова е уште еден од чекорите со кои ги се кратат непродуктивните трошоци и воспоставуваме ред во работењето на Град Скопје.
„Времето на „како досега“, завршува.
Почнуваме нова практика, со транспарентно, ефикасно и домаќинско управување, какво што скопјани одамна заслужуваат“, потенцираше Ѓорѓиевски.