Вкупно 13 пожари на отворен простор се регистрирани на територијата на државата денеска до 13 часот, покажуваат најновите податоци на Центарот за управување со кризи (ЦУК).
Од вкупниот број, пет пожари се активни, шест се ставени под контрола, додека два се целосно изгаснати.
„Во државата до денеска до 13 часот се регистрирани вкупно 13 пожари на отворен простор, од кои пет се активни, шест се ставени под контрола, а два се изгаснати“, соопшти Центарот за управување со кризи.
Според извештајот на ЦУК, пожарот во Ѓорче Петров ја преминал и државната граница.
„Активни се пожарите на потегот меѓу селата Грачани и Никиштани во Општина Ѓорче Петров, кој се проширува и на територијата на Косово, кај селото Белица во Општина Македонски Брод, во атарот на селото Подгорци во Општина Струга, во населбата Бедиње во Куманово и на месноста Чавкарник над Маврово во Општина Маврово-Ростуше“, информираат од ЦУК.
Дел од пожарите и депониите кои беа зафатени со оган веќе се локализирани и ставени под контрола.
„Под контрола се пожарите меѓу селата Буринец, Локов и Селци во Општина Струга, кај селото Брезница во Општина Македонски Брод, во реонот на селото Копаница во Општина Сарај, кај месноста Рамно во Општина Чучер-Сандево, како и пожарите на депониите во Кратово и Делчево“, наведуваат од Центар за управување со кризи.
Од надлежните дополнуваат дека интервенциите во Неготино и Гази Баба завршиле успешно.
„Во меѓувреме, изгаснати се пожарите кај селото Црвени Брегови во Општина Неготино и на улицата „Перо Наков“ во Општина Гази Баба“, соопштија од ЦУК.