Јавноста е згрозена од новите детали за киднапирањето на нашиот поп-пејач Даниел Кајмакоски кое се случило минатиот месец во Белград. Неговиот адвокат и пријател, Бранислав Станишиќ, откри дека киднаперите брутално го врзале Даниел со селотејп и под закана со пиштол и нож го натерале да влезе во возило кое се упатило кон Рума.
Драмата кулминирала кај „Бетон Хала“ кога полицијата се обидела да го сопре возилото за рутинска контрола, по што започнала филмска брканица. Поради густа магла, киднаперите излетале од патот, го оставиле претепаниот и врзан пејач во уништениот автомобил и побегнале. Полицијата го пронашла Кајмакоски на задното седиште, а потрагата по сторителите, за кои се сомнева дека се мигранти, сè уште трае.