Денес, на булеварот „Борис Трајковски“, во близина на бензинската станица „ЛукОил“, екипите на ЈП „Водовод и канализација“ работат на целосна санација на сериозен дефект кој со години претставуваше проблем за жителите на Пинтија, Усје, Долно Лисиче, Драчево, Батинци, Студеничани и Зелениково, пишува на ФБ градоначалникот Орце Ѓорѓиевски.
Станува збор за оштетување на водоводна цевка Ф600, настанато при градежни активности пред три години.
Наместо трајно решение, дефектот досега бил саниран само привремено, поради што проблемот постојано се повторувал.
Со денешниот зафат се врши целосна замена на оштетениот дел од цевката во должина од пет метри, со што конечно се обезбедува сигурно, квалитетно и долгорочно решение, пред изградбата на булеварот ,,Борис Трајковски”.
Им благодариме на граѓаните за трпението и разбирањето во текот на интервенцијата.
Посебна благодарност до екипите на ЈП „Водовод и канализација“, кои со максимална посветеност и ангажман работат овој тригодишен проблем уште денес да стане минато.
Решаваме темелно и трајно, стои во објавата на градоначалникот.