Градоначалникот на Град Скопје, Орце Ѓорѓиевски, доби едногласна поддршка од своите колеги за во наредните четири години да продолжи да ја води Заедницата на единиците на локална самоуправа (ЗЕЛС). На денешната конститутивна седница на Генералното собрание, Ѓорѓиевски беше реизбран за претседател, овојпат со полн мандат.
Негови потпретседатели во новиот состав ќе бидат градоначалниците на Центар и на Чаир, Горан Герасимовски и Изет Меџити, додека прв човек на Надзорниот одбор стана градоначалникот на Прилеп, Дејан Проданоски.
„Ќе продолжиме да функционираме обединето, без да дозволиме политиката да се меша во нашето дејствување. Целта е подобрување на состојбите во општините и поголема фискална децентрализација“, порача Ѓорѓиевски по изборот.