Градоначалникот на Град Скопје, Орце Ѓорѓиевски по покана на претседателката на Унијата на жени на ВМРО-ДПМНЕ, Марија Митева, присуствуваше на настанот по повод 15 Септември – Меѓународниот ден на демократијата, на кој говореа и премиерот Христијан Мицкоски и владини претставници.
Ѓорѓиевски истакна дека демократијата се гради преку секојдневно учество, дијалог и почитување на различните мислења, додека партиите имаат обврска да отвораат простор за нови идеи и да ја заслужуваат довербата со дела.
Посебен главен акцент стави на улогата на жените во општествените процеси, оценувајќи дека тие се столб на државата чиј труд и лидерство мора да имаат рамноправно место каде што се носат одлуките.
Тој упати честитки до Марија Митева и Унијата на жени за организираниот настан и посветеноста кон поттикнување на активното учество.