Градоначалникот Орце Ѓорѓиевски заедно со вршителката на должноста амбасадор на САД во земјава, Никол Варнс, присуствуваше на отворањето на изложбата „Road to Liberty“ / „Патот до слободата“ во Скопје, посветена на големиот јубилеј – 250 години од независноста на Соединетите Американски Држави.
Настанот беше организиран со цел преку современ и интерактивен пристап историјата да се доближи до младите, поттикнувајќи ги да истражуваат и да размислуваат за сопствениот придонес во заедницата. Ѓорѓиевски истакна дека слободата, еднаквоста и човечкото достоинство се вредности кои секоја генерација има одговорност да ги чува и пренесува.
Тој изрази благодарност до американската амбасадорка, Амбасадата на САД и Американското катче во Скопје за соработката, нагласувајќи дека пријателството меѓу двете земји дополнително се зацврстува преку културни настани и нови иницијативи за младите.