Нека е за многу години! Пресвета Богородица нека го чува Скопје и секој дом во него! Ова на Фејсбук го напиша скопскиот градоначалник, Орце Ѓорѓиевски.
-Во пресрет на утрешниот празник Рождество на Пресвета Богородица – заштитничката на Скопје, вечерва во истоимениот храм се одржа вечерна богослужба, по која верниците тргнаа во свечена литија со иконата на Пресвета Богородица Троеручица низ центарот на градот.
Обединети во верата и надежта, со заедничка молитва за здравје, мир и благосостојба, го пречекуваме овој голем празник.
Силата на Скопје е во неговите луѓе, во добрината и во подадената рака.
Нека Мајката Божја ги закрили нашите деца, донесе спокој во секој дом и нè поттикне да бидеме поблиски и посложни.
За многу години, скопјани! Нека ни биде благословен градот!, напиша Ѓорѓиевски.