На 07.10.2026 година, во 15:10 часот, во с. Теово, Општина Чашка, полициски службеници од Полициското одделение Чашка и Отсекот за економски криминал при СВР Велес ги лишиле од слобода Б.Н. (53) од с. Лисиче, Општина Чашка, С.К. (33) од с. Горно Врановци, Општина Чашка, и Б.К. (57) од Велес.
При извршена контрола на терен, на местото викано „Присој“, во атарот на с. Теово, било затекнато товарно возило „МАН“ со велешки регистарски ознаки, натоварено со огревни дрва, од кои дел биле без жиг, а дел биле со жиг.
Б.Н. и С.К. не поседувале соодветна документација за дрвата, додека дрвата со жиг биле обележани со службен „чекан“ кој на лицата им го дала Б.К., вработена во ЈП „Национални шуми“, подружница „Бабуна“ – Велес.
За настанот бил известен јавен обвинител. Дрвата и останатите предмети биле одземени, а по целосно расчистување и документирање на случајот ќе бидат поднесени соодветни пријави.