Претседателот на Собранието, Африм Гаши, упати честитка по повод големиот христијански празник Успение на Пресвета Богородица до сите православни верници и граѓани кои го одбележуваат празникот.
Во честитката, Гаши посакува празничниот ден да биде исполнет со мир, спокој и семејна топлина и да потсети на вредностите што го обединуваат општеството.
„Во духот на соживотот и почитувањето на различностите, да продолжиме заеднички да градиме општество во кое секој граѓанин ќе се чувствува почитуван и еднаков“, порача претседателот на Собранието.
На сите кои го празнуваат Успението на Пресвета Богородица, Гаши им посака добро здравје, благосостојба и пријатни празнични мигови со најблиските.