Претседателот на Собранието на Република Северна Македонија, Африм Гаши, оствари
проштална средба со амбасадорката на Соединетите Американски Држави во Република
Северна Македонија, Ангела Агелер.
На средбата, претседателот Гаши изрази благодарност за нејзината лична посветеност,
професионален пристап и поддршка на демократските процеси во државата. Посебно беше
нагласена нејзината улога во јакнењето на институционалната соработка, градењето доверба
и унапредувањето на дијалогот со Собранието.
Претседателот Гаши упати благодарност и до Амбасадата на САД за континуираната и силна
поддршка на Република Северна Македонија во зајакнувањето на демократските институции,
владеењето на правото, стабилноста и евроатлантската ориентација на земјата. Во тој
контекст, беше нагласена и благодарноста до Соединетите Американски Држави како
стратешки партнер и сојузник.
Претседателот Гаши нагласи дека придонесот на амбасадорката Агелер и на САД оставил
видлива и позитивна трага во развојот на демократските и современите процеси во државата. Тој, исто така, изрази уверување дека пријателските односи и соработката ќе
продолжат и во иднина.
- Сиљановска-Давкова пред лидерите на Алијансата – Обраќање на Самитот на НАТО
- Високи температури, а попладне пороен дожд и грмежи – УХМР најавува какво ќе биде времето до недела
- Како е опишано раѓањето на св. Јован (Иванден) од страна на евангелистот Лука
- Ќоку: За ВЛЕН важно е дијаспората да гласа без разлика на формата, но да бидат во согласност со меѓународните стандарди
- Тошковски: Најниско ниво на криминалитет во последните 20 години
- По 25 години – нов етички кодекс за новинарите
- Фредериксен: Гренланд не е на продажба
- Минчев во Струмица: ЗНАМ продолжува со работни средби со локалните организации и членството
