Гаревски: Според бучавата земјотресот беше скопски, а ризикот од штети е еднаков на нула
Земјотресот што денеска го почувствуваа граѓаните не е во никаква корелација со земјотресот што неодамна се случи во близина на Маврово, во Леуново, а беше со јачина од 4,9 степени по Рихтер, кажа за „А1он“, Михаил Гаревски, директор на Институтот за земјотресно инженерство и инженерска сеизмологија (ИЗИИС).
Тој вели дека станува збор за нормална сеизмичка активност и дека иако Европскиот медитерански сеизмички центар во првите неколку минути го лоцирал земјотресот во Косово, тој е од скопското трусно подрачје.
„Според бучавата која се слушна неколку секунди пред потресот, сметам дека се работи за земјотрес од скопското епицентрално подрачје. Магнитудата му е меѓу 3,4 и 3,9 степени според Рихтер и ризикот од ваков земјотрес е нула, односно освен вознемиреност кај граѓаните, не треба да предизвика други штети“, вели Гаревски за „А1он“ и додава дека по сумирањето на податоците ќе се покаже дека земјотресот настанал на скопското подрачје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа