Сообраќајна несреќа се случила утрово на улицата „Методија Андонов Ченто“ во Скопје, каде се судриле две возила, а на местото има зголемена гужва и полиција го регулира сообраќајот, дознава Пресс24.
Од фотографиите и информациите од терен може да се забележи дека едно од возилата по судирот извртело од улицата кон тротоар, до оградата на куќа, додека другото има сериозни оштетувања на предниот дел.
ФОТО: Пресс24
Поради несреќата, движењето на оваа делница е отежнато, а полициски службеници се на терен и го регулираат сообраќајот.
Засега нема потврдени информации за евентуално повредени лица, ниту за причините што довеле до судирот.