Надворешната канцеларија за криминалистички работи Гостивар поднесе кривична пријава против М.А. (26) од селото Сенокос, гостиварско, поради сомнение за сторено кривично дело „неовластено изработување, тргување и држење на огнено оружје или распрскувачки материи“.
Како што информира МВР, на 21 октомври 2025 година, полициски службеници од Полициското одделение Галате, при извршување службени активности во селото Сенокос, забележале група лица, од кои едниот фрлил пиштол.
При службениот разговор, 26-годишниот М.А. признал дека фрленото оружје е негово. Против него е поднесена соодветна кривична пријава, а случајот е предаден на надлежното обвинителство.