Шест лица се полесно повредени во експлозија на граната во салон за убавина во центарот на францускиот град Гренобл, соопштија полициски извори, објави Ле Фигаро.
Едно лице фрлило експлозивна направа која немала значително полнење или метални делови од проектилот, додека друго лице го снимало местото на настанот, изјави истражниот судија.
Тој додаде дека видеото веќе циркулира на социјалните мрежи, опишувајќи го како „чин на заплашување“. Прелиминарниот извештај покажува дека шест лица претрпеле полесни повреди во инцидентот.
„Тие биле третирани од медицински служби на лице место и не биле однесени во болница“, објасни префектот на регионот Изер.
Тој додаде дека целта на фрлената експлозивна направа не била да се убие некого, туку да се заплаши. Меѓу повредените имало и петгодишно дете, соопшти префектурата, која одби да коментира за причината за експлозијата.
Салонот за убавина се наоѓа, меѓу другите продавници, на приземјето на повеќекатна станбена зграда, а прозорецот на зградата беше скршен во експлозијата.
Во февруари 2025 година, во напад со граната беа повредени петнаесет лица, од кои шест сериозно, во локален бар во населба позната по трговијата со дрога на југот од Гренобл, потсетува весникот.