Им благодариме на сите граѓани кои се приклучија и доставија информации и докуметни на нашата дигитална платформа за борба против корупција и криминал, МИЦКО (https://micko.mk/) 47 различни пријави за само еден ден. Има и од различни општини, од Охрид, Штип а има и некои многу интересни информации за Скопје Македонија се крена против корупцијата и криминалот, рече Богданка Кузеска – портпаролка на СДСМ, на денешната прес-конференција.
Сите овие информации, документи, докази, ќе бидат анализирани, документирани и ќе ја информираме јавноста за секој можен случај, рече Кузеска.
„Благодариме за поддршката, заедно сме во оваа борба против корупцијата и криминалот на влсата.
Денеска АКТ објавува нова бомба, нов скандал, нови сомнителни милионски тендери.
Повторно истата шема.
Фирма со само тројца вработени за период од 2 месеци добива тендери од Владата на Христијан Мицкоски од 74 милиони денари или 1,2 милиони евра.
Милионски суми, мал број на вработени, фаворити за тендери од власта на ДПМНЕ.
Овие факти отвораат сериозни сомнежи за нетранспарентни постапки, фаворизирање и коруптивни тендерски шеми како во досегашните објавени бомби.
За која фирма станува збор?
Сигмоид Гроуп ДООЕЛ Скопје, формирана пред само две години.
Од кого добива тендери?
Од Генеалниот секретаријат на Владата на Мицкоски и од СОЗР. Двете владини инстиуции, истите две вмешани и во преходните бомби кои ги објавивме.
И како и во првата бомба, повторно станува збор за IT опрема. Случајно нели?
Еве го првиот договор, со Министерството за финансии, склучен на 13.10.2025 година, вреден околу 60.000 евра.
Само после два дена, има нов договор, склучен на 15.10.2025, со Генералниот секретаријат на Владата, вреден: речиси милион евра (980 илјади евра).
И шест недели подоцна, на 01.12.2025, нов државен тендер, овојпат за софтвер за следење на работни процеси во СОЗР, вреден околу 76 илјади евра денари.
Каква милоионска експанзија за два месеци? 173% раст на добивка од тендери! Истите шеми повторно“, истакна Кузеска.
Па како е ова можно? Која е близната?, прашува Кузеска.
„Дали причината за тоа е близината на сопственикот на фримата, извесен Ј. Јанкуловски, кој дипломирал на Машинскиот факултет, токму на насоката мехатроника и роботика, каде што е Христијан Мицкоски професор?
Ова ли е клучот за вретење милионски тендери од власта на ДПМНЕ? Близината со Мицкоски?
АКТ продолжува.
Работата не е завршена!“, нагласи Кузеска.