(ФОТО) Пендаровски ги пречека гостите во Вила Билјана: „РСМ покажа нетипично балканско однесување“
![](https://press24.mk/sites/default/files/styles/large/public/2023/03/18/324a9217.jpg?itok=7dXDAaLt)
Претседателот Стево Пендаровски, денеска во Охрид во претседателската Вила Билјана ги пречека високиот претставник на ЕУ за надворешни работи и безбедносна политика и потпретседател на Европската Комисија Жозеп Борел, претседателот на Република Србија Александар Вучиќ и премиерот на Косово Албин Курти на работна сесија од преговорите во рамки на дијалогот на високо ниво Белград-Приштина под покровителство на ЕУ.
![](https://press24.mk/sites/default/files/styles/large/public/2023/03/18/324a9115.jpg?itok=XgOf1liY)
„Претседателот Пендаровски смета дека е исклучително важно што оваа работна сесија од дијалогот на високо ниво помеѓу Белград и Приштина се одвива во Охрид, бидејќи тоа е знак дека Република Северна Македонија во изминативе години покажа нетипично балканско однесување и функционира како вистинска мултиетничка демократија, што е реткост и во пошироки рамки. Ова го доживуваме како признание за постигнатото во изминатиот период и поттик на домашните политички сили да продолжат со европските реформи, за што е можно побрзо да станеме полноправна и формална членка на Европската Унија“, информираат преку соопштение до медиумите од Кабинетот на претседателот.
![](https://press24.mk/sites/default/files/styles/large/public/2023/03/18/324a9159.jpg?itok=xXv5z7iK)
„Преговорите помеѓу Белград и Приштина се исклучително важно регионално прашање чиешто решавање може да помогне за трајна стабилизација на регионот и негова побрза европска и евро-атлантска интеграција“, се додава во нивното соопштение.
![](https://press24.mk/sites/default/files/styles/large/public/2023/03/18/324a9193.jpg?itok=RWd-YnCQ)
![](https://press24.mk/sites/default/files/styles/large/public/2023/03/18/324a9333.jpg?itok=UXGJz633)
![](https://press24.mk/sites/default/files/styles/large/public/2023/03/18/kg070003.jpg?itok=hgpSqyGF)
![](https://press24.mk/sites/default/files/styles/large/public/2023/03/18/kg079820.jpg?itok=wgVw1JIb)
18.03.2023 - 10:45
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа