Милош Р. (39) од Белград загинал во вторник наутро, околу 6 часот, на територијата на општината Босилеград, на потегот меѓу селата Извор и Грујинци, кога во текот на силно невреме го погодил гром.
Мештаните од селото Извор веруваат дека ловецот непосредно пред ударот се обидел да се фотографира со таканаречен селфи стап.
Како што дознава српскиот Ало, несреќниот маж од Белград бил страсен ловец, а во околината на Босилеград дошол намерно за да лови на терените на локалното ловечко здружение „Сокол“, бидејќи официјално била отворена ловната сезона на срни. До трагедијата дошло во момент кога на овој пограничен терен започнало силно невреме.
„Тој ден беше лов на срна. Слушнав дека човекот го удрил гром кога всушност се обидувал да се фотографира, бидејќи имал со себе селфи стап. Тогаш го погодил ударот. Тој несреќен човек има две деца,“ изјавил еден мештанин од селото Извор за Ало.
Од Ловечкото здружение „Сокол“ од Босилеград се огласил човек кој тој кобен утрин бил домаќин на теренот и бил во лов со загинатиот Милош. Тој по чиста среќа преживеал удар од гром и детално ја опишал незапаметената трагедија.
„Сè се случи многу брзо. Пред да завршиме со обиколката на теренот и ловниот ден, почна лошо време. Иако беше суво и не врнеше дожд, видов дека доаѓа невреме, па му реков на Милош да побрзаме за да се засолниме во блиската напуштена караула (контролна куќичка на поранешен граничен премин). Јас забрзав и бев околу седум метри пред него. Одеднаш паднав на колена поради некаков неодреден удар. Ниту слушнав звук на гром, ниту на почетокот знаев што се случи,“ ја започнува својата приказна човекот што го преживеал ударот.
„Станав и го видов Милош како не дава знаци на живот. Веднаш повикав Итна помош, која пристигна по десетина минути, но за него немаше спас. Набрзо дојде и полицијата, а потоа и мртовечникот, кои можеа само да констатираат смрт. Од Белград веднаш тргна неговата сопруга со зетот за да го преземат телото,“ ги прераскажува морничавите детали од трагедијата соговорникот на Ало.