Гром предизвикал пожар во атарот на селото Макреш, во Општина Старо Нагоричане, информираа денеска од Регионалниот центар за управување со кризи (РЦУК) и Територијалната противпожарна единица (ТППЕ) Старо Нагоричане.
Во пожарот изгореле стрниште, сува трева и нискостеблеста шума на површина од околу 15 хектари.
Од ТППЕ Старо Нагоричане информираат дека на терен интервенирале две противпожарни возила со шест пожарникари, со помош на двајца жители од селото.
Гаснењето траело од 15:10 до 19:55 часот, по што пожарот бил целосно локализиран и ликвидиран.
Според информациите од противпожарната единица, не постои опасност од повторно активирање на огнот.