Претседателот на Собранието, Африм Гаши, на третата средба со поранешните собраниски спикери Тито Петковски, Никола Поповски, Трајко Вељаноски и Јован Митрески ја потпиша Одлуката за формирање на Совет на поранешни претседатели на Собранието на Република Северна Македонија.
Идејата и целта за формирање на ова неформално советодавно и консултативно тело беа презентирани на претходните две средби одржани во октомври 2025 и април 2026 година. Главната цел е зачувување на институционалната меморија на Парламентот, унапредување на парламентарната практика и демократијата, како и давање стручни мислења за прашања од значење за работата на институцијата.
На средбата исто така беа отворени теми поврзани со процедурални прашања во работењето, дигитализацијата на Собранието во рамките на националната стратегија, идејата за посебна собраниска библиотека, како и други актуелни државни прашања.