Филипче: Набавени се 200.000 вакцини против Ковид 19 - направен е детален план за вакцинација

Министерот за здравство Венко Филипче на денешната прес-конференција рече дека Владата на вчерашната седница одлучила да набави 200.000 кинески вакцини против вирусот Ковид 19. Како што кажа министерот направен е детален план за транспорт, дистрибуција до вбакциналните пунктови, како и начинот на спроведување на вакцинација.

Се очекува 2000 до 2.500 граѓани да бидат вакцинирани на дневна основа. За секој граѓанин што ќе прими прва вакцина, обезбедена е и втора по 21 ден . Секој граѓанин ќе добие соодветен сертификат.

Прво ќе примнаат здравствените работници , кои работат со Ковид - пациенти во клиники и домови за стари лица , како и матични лекари и вработени во лаборатории. Здравствените работници ќе се вакцинираат на еден пункт, а другите од Скиопје во поликлиниката ,,Букурешт", а од други градови во вакциналните пунктови во градовите.,

Втората група се лицата на возраст од над 70 години .

Во втората група се и лица над 60 години, како и останатиот здравствен персонал и новинарите, вработените во градинки и училишта, како и лица над 18 години со коморбидитет.

Во третата група се сите граѓани, кои ќе се регистрираат во ситемот „Мој термин", објави Филипче.

Од следната недела ќе биде во функција и сајтот за вакцинирање, појасни министерот.