Претседателот на СДСМ, д-р Венко Филипче, на денешната прес-конференција предупреди дека власта на ВМРО-ДПМНЕ подготвува пролетни избори, за да ги сокрие мигрантските договори кои веќе се водат зад затворени врати а за кои граѓаните дознаваат од светските медиуми.
„Најавивме дека власта планира и подготвува избори следната година на пролет. Тоа значи дека мигрантите се веќе договорени, а за возврат треба да добијат пари“, истакна Филипче, додавајќи дека и изјавите на Мицкоски го откриваат нивното сценарио.
„Мицкоски вчера изговори дека додека тој има мандат како премиер, нема да има шатори за мигрантите. Што може да значи само една од двете работи. Прво, дека се планираат избори и мисли на втор мандат после изборите. И второ, мисли на тоа дека во суштина нема да има шатори, но ке има социјални станови“. Но прочитани се, им ги знаеме сите чекори однапред“ потенцираше Филипче.
Претседателот Филипче посочи дека вистинската причина за овие тајни договори е огромната финансиска дупка создадена од власта:
„Веќе сега има една милијарда евра недостаток на пари во буџетот. Владата мора да го потпише договорот, затоа што тоа е врзано со кредитот од шест милијарди евра.“
Тој предупреди дека Мицкоски го следи сценариото на Вучиќ, потсетувајќи на примерот со литиумот во Србија: „Кризата со мигрантите е истата криза како проектот за копање Литиум. Сè е ‘copy-paste’. Истото препишувачко школо на Мицкоски и ВМРО-ДПМНЕ.“ рече претседателот на СДСМ, Венко Филипче на денешната прес конференција.