Грчките земјоделци од областа Пеонија денеска во 12 часот повторно го блокираа граничниот премин Евзони кон Северна Македонија, затворајќи го целосно влезот и излезот од Грција.
Блокадата, во која учествуваат над 150 трактори и земјоделски возила, е со непознато времетраење.
Овој премин беше блокиран и вчера во доцните попладневни часови.
Протестите на земјоделците предизвикаа застои и на клучната патна мрежа во Грција, особено на автопатот Солун-Атина, со блокади кај патарината и во близина на Лариса и Кардица.