Евакуирани ранетите војници од Азовстал (ВИДЕО)
Повеќе од 260 украински војници, од кои многумина ранети, беа евакуирани од опколената фабрика за челик Азовстал во пристанишниот град Мариупол, очигледно предавајќи ја контролата врз градот на руските сили по 82 дена бомбардирање, објави „Гардијан“.
Украинската заменик-министерка за одбрана Хана Малијар изјави доцна синоќа дека 53 тешко ранети војници се евакуирани во болница во градот Новоазовск, кој е под руска контрола, а повеќе од 200 други биле пренесени по коридорот до Оленивка. Таа додаде дека ќе има размена за да можат евакуираните да се вратат дома.
Не е познато колку војници останале во фабриката за челик – се верува дека има околу 600 – а претседателот на Украина, Володимир Зеленски, рече дека „се надева дека ќе ги спасат нивните момци“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
