Европската Унија ги предупреди земјите-членки да се подготват за долгорочни нарушувања во снабдувањето со енергија доколку не се смират тензиите со Иран. Како што пренесува „Ројтерс“, затворањето на Ормутскиот теснец веќе се чувствува на глобалниот пазар, со оглед на тоа што низ оваа точка минуваат дури 20 проценти од светската нафта и течен гас.
Иако Европа сè уште физички не се соочила со недостиг, цените на нафтата и гасот дивеат. Најкритично е кај авиосообраќајот – аеродромите веќе предупредуваат дека првите празни резервоари со гориво за авиони би можеле да се појават во рок од само неколку недели.