Бахреин и Кувајт испратиле борбени авиони и нападнале воени цели во Иран, што претставува прв познат директен воен напад од овие две земји од Персискиот Залив врз Техеран.
Според пишувањата на „Волстрит џурнал“, кој се повикува на неименувани извори запознаени со настаните, нападите биле извршени претходно овој месец.
Цел на воздухопловните удари биле депоа за беспилотни летала и ракети, како и други воени објекти на иранска територија.
Тајната операција била преземена по повеќенеделни ирански одмазднички напади насочени кон Бахреин и Кувајт, каде што се сместени американски воени бази.
Официјалните претставници од двете земји заклучиле дека повеќе не можат да ги толерираат нападите од Техеран без соодветен воен одговор.
Според истите извори, Обединетите Арапски Емирати одиграле улога преку обезбедување разузнавачки информации за потенцијалните цели и воздушна покриеност за одбрана.
Ова укажува на значително зголемување на безбедносната соработка меѓу арапските земји од Персискиот Залив во односите со Иран.
И покрај оваа воена помош, ОАЕ во јавна изјава се заложија за деескалација и намалување на тензиите во регионот.
Портпаролите на владите на Бахреин и Кувајт засега не одговорија на барањата за официјален коментар.