Ердоган повторно ѝ возврати на Ерменија: Оваа борба ќе трае сè додека Карабах не биде ослободен од окупација

Претседателот на Турција, Реџеп Таип Ердоган и денеска повторил дека во секоја смисла го поддржува Азербеџан во борбата против, како што вели, ерменската окупација на Нагорно-Карабах.

„Оваа борба ќе трае сè додека Карабах не биде ослободен од окупација“, порачал Ердоган.

По повод актуелната ситуација во светот, Ердоган рекол дека јасно е дека светот се наоѓа на пресвртница во која Турција се обидува да се оддалечи од новиот глобален поредок, исто како што било направено половина или еден век порано.

„Ако обрнете внимание, ќе видите дека најголемите кризи во светот се случуваат низ цела Турција. Со поврзување на кризните точки што се протегаат од Сирија, преку Средоземното море, до Кавказ, добивате слика за обиди за опсада на Турција. И претходно сме виделе такви игри“, рекол Ердоган.

Од друга страна, како што навел, Турција го бранела интегритетот на државата и единството на народот, а од друга страна, презела чекори што го разбиле обидот за опсада на Турција.

Тој рекол дека нема да дозволи појава на било какви безбедносни закани за Турција и дека во тој контекст секое подрачје може да биде центар на воени операции ако постои закана за тоа.

 

 

 

Добивајте вести на Viber

03.10.2020 - 10:33

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа