Директорот на Меѓународната агенција за енергија, Фатих Бирол, упати сериозно предупредување до европските земји: недостигот на авионско гориво станува критичен. Доколку состојбата итно не се стабилизира, патниците може да се соочат со вистински хаос на аеродромите — од масовни откажувања на летови до вртоглав скок на цените на авио-билетите.
Кризата директно се прелева од глобалните пазари, каде што нарушувањата во снабдувањето веќе ги загрижуваат светските лидери. Експертите посочуваат дека ударот нема да го почувствува само авио-индустријата, туку и домаќинствата, преку нови поскапувања и засилен инфлациски притисок.