Европската комисија и високата претставничка на ЕУ за надворешна политика и безбедност, Каја Калас денеска предложија Европската Унија да има можност да воведе санкции за кривични дела како што се шверцување мигранти и учество во организирани криминални групи.
Се предлага да се воведат санкции за трговија со луѓе, огнено оружје, дрога и перење пари. Според предлогот, овие мерки би се вовеле за активности надвор од ЕУ кои директно влијаат на европските интереси и безбедност. Во такви случаи, се предвидува замрзнување на средствата и воведување забрана за патување до или низ ЕУ.
Во официјалното соопштение од Европската комисија јасно се дефинираат причините за ваквиот радикален предлог, како и следните чекори за негово усвојување.
Во соопштението од ЕК исто така се додава дека во следниот период Советот на ЕУ може едногласно да го одобри овој предлог, со што тој би станал дел од редовните механизми на Унијата.