Две тешки сообраќајни несреќи во кои настрадаа возачи на мотоцикли се регистрирани во текот на изминатото деноноќие во радовишкиот и прилепскиот регион.
На 23.05.2026 во 23:30 часот во ОВР Прилеп е пријавено дека на локалниот пат за с.Клепач, 15-годишен малолетник од с.Могила, управувајќи мотоцикл „хамачи“ со битолски регистарски ознаки, изгубил контрола и паднал на коловозот.Во несреќата со тешки телесни повреди се здобил малолетникот, констатирани во Клиничка болница Битола. Извршен е увид од увидна екипа на ОВР Прилеп, при што било констатирано дека малолетникот го управувал мотоциклот без возачка дозвола.
На 23.05.2026 во 16:28 часот во ОВР Радовиш е пријавено дека на ул.„8 Септември“ на место викано „Стара автобуска“ во Радовиш, 22-годишниот Т.Ј. од Радовиш, управувајќи мотоцикл „кавасаки“ со радовишки регистарски ознаки, изгубил контрола и удрил во ѕид. Во несреќата со тешки телесни повреди се здобил возачот, констатирани во Клиничка болница Штип. Извршен е увид од увидна екипа на ОВР Радовиш.