Околу 1.200 граѓани побарале помош во Гостиварската болница поради повраќање, диареја, болки во желудникот, температура, омалаксаност, објави „Фокус“ повикувајќи се на информации од гостиварската болница.
-Во врска со епидемијата која се шири во Гостивар овие 3-4 дена заради која имаме голем број на пациенти на кои им е дадена медицинска помош во нашата установа, заради која сме направиле и зајакнување на медицинскиот персонал во одделенијата каде има голем број на пациенти. Ве известуваме дека поголемиот број на пациентите се со исти симптоми како повраќање , диареја, болки во желудникот, температура, омалаксаност итн, велат од болницата.
Најголем број пациентите има на Инфектологија, во Детско одделеније и во Ургентна Единица.
-За овие денови во ЈЗУ Општа Болница ‘’Д-р Ферид Мурад’’ Гостивар, со овие симптоми се пријавени околу 1000-1200 пациенти. На сите пациенти им е дадена медицинска помош однсоно соодветна терапија. Ова известување го праќаме заради тоа што овој број на пациенти е надвор од редовните бројки на пациентите во нашата установа, велат од болницата.