И покрај честите реакции на јавноста за загадувањето, Државниот инспекторат за животна средина (ДИЖС) информира дека при контролите во Титан Цементарница Усје не се пронајдени прекршувања на прописите.
Директорката на ДИЖС, Ивана Гиновска, на денешната прес-конференција соопшти дека во текот на 2025 година биле извршени вкупно шест надзори во оваа фабрика – два редовни и четири вонредни.
„Последните вонредни надзори беа извршени ноќе, на 18 ноември во 22 часот со инспектор од Град Скопје и на 18 декември со инспектор од општина Кисела Вода. Кај сите надзори не се утврдени неправилности во работата на овој правен субјект“, истакна Гиновска.
Во моментов, во Скопје има околу 40 правни субјекти со активна А-интегрирана дозвола кои се под лупа на инспекторите.