Танкер за сурова нафта во сопственост на компанија од Истанбул бил цел на напад со морски и воздушен дрон рано утрово во водите на Црното Море. Инцидентот се случил на околу 14 наутички милји од Босфорот, при што бродот претрпел сериозни оштетувања.
Според информациите објавени во турските медиуми, танкерот „Алтура“ на компанијата „Пергамон Шипинг“ превезувал речиси 140.000 тони нафта од рускиот град Новоросијск. Околу 00:30 часот по локално време, екипажот испратил сигнал за помош откако машинската просторија почнала да се полни со вода како последица на нападот.
На повикот за помош одговориле три бродови на турската крајбрежна стража и едно цивилно пловило кое се наоѓало во близина. За среќа, во инцидентот нема повредени членови на екипажот, а во тек се активности за стабилизирање на танкерот кој пловел под знамето на Сиера Леоне.