Триесет и двегодишен тетовец е лишен од слобода откако, според сомневањата на полицијата, се обидел со закана со нож да изврши разбојништво во казино во Тетово.
Инцидентот се случил на 15 јули, околу 11:05 часот, кога К.В. (32) од Тетово наводно се обидел да изврши разбојништво, по што бил приведен од полициски службеници.
При извршен претрес и алкотестирање кај него биле измерени 2,49 промили алкохол во крвта. Осомничениот е задржан во полициска станица, а по целосно документирање на случајот против него ќе биде поднесена соодветна кривична пријава.