Грчката полиција приведе двајца родители по пријава за семејно насилство на плажа во областа Ајалија, во близина на Патра, каде што шестгодишно момче било физички нападнато од сопствената мајка.
Инцидентот се случил во понеделникот, на 10 август, пред присутните посетители на плажата.
Според информациите од грчките медиуми, една од присутните жени забележала дека мајката му задава силни шлаканици на детето во пределот на лицето, по што веднаш алармирала во полиција.
По пријавата, полициска патрола пристигнала на местото на настанот и ги привела двајцата родители за утврдување на сите околности.
По наредба на надлежен обвинител, детето било пренесено во детската болница „Караманданио“ во Патра, каде што е задржано на лекување и медицинско набљудување.
Здравствената состојба на момчето во моментов е стабилна и во вонживотна опасност.
Родителите подоцна биле пуштени од полициска станица, додека детето останало во болницата во придружба на неговата сестра.
Надлежните грчки органи ја продолжуваат истрагата за целосно расветлување на случајот.