Донација од „Астра Казино“ за штитениците на Домот за деца без родителска грижа „11 Oктомври“
Претставници на „Астра Казино“ денеска подарија новогодишни пакетчиња наменети за штитениците на Домот за деца без родителска грижа „11 Oктомври“ во Скопје.
„Во духот на празничното дарување и оваа година не ги забораваме и децата кои се под грижа на Домот за деца без родителска грижа, институција со која што имаме блиска соработка во изминативе години, а во наредниот период планираме истата да ја интензивираме преку низа заеднички активности“, вели Бојан Коцевски, управител на „Астра Казино“.
Компанијата во рамки на своите општествено одговорни активности и во духот на новогодишните и божиќни празници во изминативе денови подари повеќе од 300 новогодишни пакетчиња за деца од семејства во социјален ризик, деца без родителска грижа и деца сместени во згрижувачки семејства. „Астра Казино“ и во 2025 година ќе продолжува да биде дел од хуманитарни акции кои значат враќање кон заедницата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
