Утрово во Скопје повторно пристигнаа електронски пораки за наводно поставени експлозивни направи, овојпат насочени кон две приватни училишта и еден музеј.
Полицијата и надлежните служби веднаш интервенираа и извршија детални проверки на локациите. Проверките покажаа дека се работи за лажни пријави.
За среќа, сите безбедносни мерки беа преземени, а учениците и вработените не беа изложени на опасност. Полицијата во моментов работи на идентификација на лицето кое ги испратило лажните дојави.
Ова е втора слична ситуација во Скопје во последните неколку дена, откако завчера имаше лажна дојава и за време на концерт во СЦ „Јане Сандански“.